امبارح بالليل تخيلت إني بتكلم معاك في التليفون والبيت كله نايم .. كان إحساس جميل..
فضلنا نتكلم ونضحك ونحكي عن يومنا.. وقعدت تقوللي نكت بايخة وأنا كنت هاموت من الضحك .. اصلي ما كنتش بحاول أفسر النكت.. ما أنت كده كده دمك خفيف على قلبي ..
وبعدين قعدت تحكيلي حكاية الشاطر حسن .. وبما أنى حافظاها عن ظهر قلب قررت أنام وأنت بتحكيهالي .. مش علشان حاجة غير أنى كنت عايزة أشاركك أحلامي .. ما كنتش عايزة يكون فيه جزء غامض في حياتي أو حاجة نفسك تعرفها عنى ..
نمت وكملت معاك الحكاية.. كانت مختلفة جدا.. كانت حدوتة بكل الألوان اللي بحبها..
وصحيت الصبح مبتسمة بس متأخرة كالعادة .. قمت جرى فتحت الدولاب و سحبت قميص اخضر بحبه.. ما أنت عارف أنى بحب اللون الأخضر..
ونزلت في طريقي اليومي وأنا بغنى "عصفور طل من الشباك وقاللى يا نونو" ..
وصلت الشغل وصبحت على كل اللي شفته في طريقي .. رئيستي، زملائي، وعم صالح بتاع السندوتشات اللي رد عليا بجملة .. "صباحك زي الفل يا فندم" ..
وقعدت اشتغل والابتسامة لسه مصره علي وضعها..
رن جرس تليفون مكتبي .. كانت واحدة صاحبتي .. لقيتها بتقوللي "شفتك الصبح و انتي نازله وكنت عايزة اصبح عليكي بس كان شكلك مستعجل أوي .. كنت عايزة أقولك أن لبسك شيك جداً.. اللون الأسود يجنن عليكي "..!!
استأذنت منها فورا من غير "ميرسى على ذوقك" بحجة أن عندي اجتماع مهم .. وجريت على الحمام علشان أشوف نفسي في المرايه ....
معقول؟؟
أنا مكنتش لابسة أسود .. فين قميصي الأخضر؟؟
وقبل أن أجد إجابة على سؤالي .. أفقت على صوت أمي تناديني قائلة
" المنبه بقالوا ساعة بيرن .. اتأخرتي"!! ..
11 comments:
sherifa i told u what i think bout this"i love it"... i love that you feel every color.. maho tab3an Designer... yarab ya sherifa kol omsanek teb2a 7'adra ;)
Very nice ya Sharraf .. ya rab tenami we ma7adesh yesa7eeki tani 2ader ya ameen
جميلة يا شريفة. قريتها لغاية دلوقتي تلات مرات و كل ما اقراها تاني تعجبني زيادة. بجد انتي عندك حساسية وبساطة في تعبيرك مش موجودة عند ناس كتير
:))
7ABBEIT AWI MOSHARKET EL A7LAM WEL ALWAN WEL AMEES ELLY TELE3 MESH AKHDAR :) BEGAD AWI AWI AWI
WI 3ARFA ZAI MA HAFDAL A2OLLEK KOL MARRA ENTI BET3A2ADEENY BEL A7ASEES ELLY 3ANDI WI 3ANDEK BAS ENTI BAS ELLY BETE3RAFY TE2OLEEHA WI BERAGHM MEN KEDA DAYMAN BAKOON MEN AWEL EL NAS ELLY BETSAMA3EEHOM :))))))
Bala7a ya loulou ya designer :) : Merci ya gamila..
Safwat: Ya rab ya safsaf yesboony akamel 7elmy marra ..bas as7a bardu fel a7'er :))))
Samia : Ya gama3a i sent samia el post 2abl ama anshoroh w nasa7etny fi 7aga lo3'aweya w nafezt el nasee7a ... thank u ya samsouma ...
Basma: I love u w kefaya eny 7assa beeki 7atta law mesh bete3rafy te2ooly ya gamila :)
wallahy ya sherifa, ana mosh 7a2dar 2a2olek ra2i mabni 3ala 2asas 2adabi wel kalam dah, but,i liked the blog gedan, it seemed natural we telka2i awy..we dah 2aktar 7aga 3agabetni feh, 3amel zay el 7'awater wel 7agat ele el wa7ed beyktebha lama bey7es en fe 7aga gowa we nefso yetala3ha awy..that's how i felt it..good work...keep on writing and update me with any new post :)
Sherif Adel
I really loved it, especially the ending. It's simple, pure & innocent. It really touches the heart. And what I enjoyed the most, was the irony in it... Keep it up. You should consider publishing them for real, ya shoushou el hakima :)
Love you
3agbany awe ya sherifa.
ldaregt eny 7limt bkessa moshabha,
ya3ny 3erfty t2asary 3ala 3a2li el batn.
bas ana elli sa7any kan matabb.
Ya Sharaf...
It took me a long time to be able to put into words what I think of this piece, and I apologize for my delay.
Your spirit and freedom are refreshing, and your imagination is so vivid that it touches our hearts with the degree of its closeness to reality. Because, when reading this piece, it made me feel like I was the one wearing 'el 2amees el akhdar', and this goes to show how in touch you are with the world around you and the dreams and fears of those you know...
I pray that you never lose this gift and that you continue to 'tet7efeena' with your originality...
We, 3ala el mashy keda, ba7ebek ;-)
Budzaya
Sherif : Thanx for reading it aslan :)
Shereen: Thanx ya sheri ..I really love u more :))
Mona : ana mesh harod 3aleiki coz enti 3arfa ana 3ayza a2oulek eih ya monza ya sa7bety :) ..
Budzzz : Begad ur comment is a "piece" !!..7aga keda from deep deep deep inside .. ... love u too :)
this time it really touched me and you know its hard for to be touched from words but wallahy these words did
Post a Comment